Isaiah 50
Israel Mawhna le Nasempa’ Thuman’na
1TOPA gen hih ahi hi: “Na nu ka sawlkhiatna kimakna laikoi-ah om ahi hiam?
Ahikeh ka leibatna
kua tungah hong zuak ka hi hiam? a
Na mawhnate uh hangin nang hong kizuak ahi hi. b
Na khialhnate uh hangin na nu uh a kiciahsak ahi hi.
2 Kong pai ciangin bang hangin mi khat beek om lo ahi hiam?
Kong sap ciangin bang hangin hong dawng khat beek om lo ahi hiam?
Nang hong tan zo lo dingin ka ban tom lua ahi hiam? c
Nang hong hu zo lo dingin thahatna nei lo ka hi hiam? d
Khatvei tai ziau leng tuipi ka keusak a, e
gunte sehnel-gam suakin;
tui om loh manin a sunga ngasate dangtakin si uh a,
a uih uh hi.
3 Vantung, khuamial ka silhsak a,
a khuh nadingin ippi puan ka bawl hi,” a ci hi. f
4 Thupipen TOPA in a gimte thamalhsak nadingin
a kihilhsa leii hong guan hi. g
Zingsang simin kei hong phong a, h
a kihilhsa bangin thungai dingin ka bil a phong hi. i
5 Thupipen TOPA in ka bil hong honsak a, j
amah lehdo nawn loin; k
ka nungngatsan nawn kei hi.
6 Kei hong satte ka nung ka dawh a; l
ka khamul a hong mante ka paang ka dawh hi;
hong simmawhte le hong cilphihte
ka lehngatsan kei hi.
7 Thupipen TOPA in kei hong huh ahi manin
hong kimaizumsak kei ding hi. m
Tua ahi ciangin meisah suang bangin ka mai ka ngat a, n
kei hong maizumsak loh ding ka thei hi. o
8 Kei dik hong tangsakpa ka kiangah om hi.
Kua in kei hong siattut ding ahi hiam? p
Khat le khat kimaituah nung!
Hong mawhsak kua ahi hiam?
Amah hong maituah sak un.
9 Kei hong huhpa Thupipen TOPA ahi hi. q
Kei hong mawhpaih ding kua ahi hiam? r
Amaute khempeuh puansilh bangin patkhia dinga;
nget in a netum ding hi.
10 TOPA kihta-a a nasempa thumang
no lakah kua ahi hiam? s
Khuamial sunga lam pai,
khuavak nei lo mi in t
TOPA min muang henla,
ama Pasian tungah kinga hen.
11 Ahi zongin tu-in, nomau mei vakin
nomau meikuang a kidette aw, u
nomau tawhkuangsa mei -
nomau meitang mahah pai-in kalsuan un. v
Ka khut pana na ngah ding uh hih ahi hi: w
Gawtna thuakin na lumsuk ding uh hi. x
Copyright information for
ZomZIV